Долзарб мавзулар Xalq bilan muloqot va inson manfaatlari yili

Messining eski butsalari Misr aholisini g`azabga soldi

Бўлимлар: Sport
Теглар: Lionel Messi
Добавлено: 01.04.2016, 09:54

Argentina terma jamoasi va “Barselona” klubi hujumchisi Lionel Messi o`z butsalarini Misr mamlakatida hayriyaga yo`naltirish maqsadida kimoshdi savdoga qo`ygani uchun mahalliy aholining tanqidiga uchradi. Bu haqda lenta.ru xabar berdi.  

Ushbu hodisa futbolchining Misrning MBC MASR telekanalidagi tok-shoudagi ishtiroki vaqtida sodir bo`ldi. Misr mamlakati aholisi argentinalik futbolchining ushbu xatti-harakatini haqorat sifatida qabul qilishdi. Bunday sovg`alar, odatda, misrliklar uchun nafrat ramzi hisoblanadi. 

“Men o`zimni haqoratlangandek his qilyapman. Agar u bizni kamsitmoqchi bo`lsa, butsalarini o`z boshiga kiyib olsin yoki muxlislarining boshiga kiydirsin. U yaxshisi, butsalarini o`z mamlakatidagilarga bersin, u erda nochorlar ko`p”, – deydi Misr futbol federasiyasi matbuot kotibi Azmi Megahed. 

Ma`lum bo`lishicha, Messining haqoratomuz qilmishidan so`ng misrliklar o`z oyoq kiyimlarini futbolchining vataniga jo`nata boshlagan. 

Mazkur noxush voqea Argentinaning Boliviyaga qarshi (2:0) Janubiy Amerika qit`asidan JCh–2018 turniriga saralash bahsi 6-turidan oldin ro`y berdi. Messi ushbu o`yinda penaltidan gol kiritib, terma jamoasi safidagi gollari sonini 50 taga etkazgani haqida xabar bergan edik.

Google+
WhatsApp
VK
Telegram

Комментарии

Mutolaa

17.11.2017, 16:07
16.11.2017, 18:54

Shou-biznes

SUG'DIYONA