Долзарб мавзулар Xalq bilan muloqot va inson manfaatlari yili

Turkiyada prezidentni haqorat qilgan 5 kishi hibsga olindi

Бўлимлар: Dunyo
Теглар: Turkiya
Добавлено: 14.04.2016, 14:47

Turkiyaning janubiy-sharqida joylashgan Shonliurfa provinsiyasida Xilvan shahrida yashovchi besh kishi Turkiya prezidenti Rajab Toyib Erdo`g`onni haqorat qilganlikda ayblanib, hibsga olindi. Bu haqda “RIA Novosti” xabar bermoqda

Avvalroq Turkiya polisiyasi prezidentni haqorat qilgan olti kishini qo`lga olgan edi. Biroq sud ulardan birini ozod qildi.

Ma`lumotlarga ko`ra, hibsga olinganlar Erdo`g`onni ijtimoiy tarmoqlar orqali haqorat qilgan. Bundan tashqari ular Turkiyada taqiqlangan Kurdiston Ishchi partiyasi terrorchilik guruhiga a`zolikda ham ayblanmoqda. 

Turkiya adliya vaziri Bekir Bozdagning aytishicha, mamlakatda yashovchi 1845 nafar fuqaroga nisbatan Erdo`g`onni haqorat qilish bo`yicha ayblovlar ilgari surilmoqda. Turkiya qonunlariga ko`ra, prezidentni haqorat qilgan fuqaroga nisbatan jarima yoki bir yildan to`rt yilgacha qamoq jazosi qo`llaniladi.

Google+
WhatsApp
VK
Telegram

Комментарии

Mutolaa

23.11.2017, 11:32

SUG'DIYONA