Долзарб мавзулар Xalq bilan muloqot va inson manfaatlari yili

Shahzodaning konserti: eski qo`shiqlarning yangi talqini,tomoshabinlarni hayratga solgan holat(Foto)

Бўлимлар: Shou-biznes
Теглар: Shahzoda
Добавлено: 02.05.2016, 11:27

Kecha, 1 may kuni xonanda Shahzodaning 7 kunlik konsert dasturiga start berildi. 

“Popcorn.uz” sayti mazkur konsert dasturidan reportaj tayyorladi.

Katta ekranda Shahzoda ko`rindi va o`ta ta`sirli monologi bilan barchani ruhlantirdi. So`ng chiroqlar hamohangligida doiralar sadosi bilan raqqosalar va xonandalar “Qo`llar tepaga” qo`shig`ini bir qismini ijro qilishdi. Shu qo`shiqni xorazmcha yo`nalishda boshqa bir xonanda chiqib ijro etdi. Qo`shiqni qolgan qismini avval “OAZIS” guruhi vakillari keyin ofiserlar kuylashdi. Katta ekran o`girila boshladi va Shahzoda raqqos yigitlar bilan ko`rindi. “Qo`llar tepaga” qo`shig`ini o`zidayoq muxlislar jonlanishdi. Xonandani o`zgacha kayfiyatda kutib olishdi.

Shundan so`ng betakror xonanda Shahzoda Shohruxxon bilan birga yaqindagina ommaga taqdim etilgan va ayni damda barchaning sevimli qo`shig`iga aylangan “Alo” duetini kuylashdi. Ekranda bir qator aktrisalar bilan tayyorlangan qo`shiqqa mos videolavha namoyish qilindi. 

Muxlislarning kayfiyati yanada a`lo darajaga ko`tarildi va bu duetni kutishganini  hayqiriqlar va olqishlari bilan yashira olishmadi. “Habibi” taronasi yangraganda, barcha birgalikda kuyladi va raqsga tusha boshladi. Kompozisiya so`ngida xonanda sahna ortiga yo`l oldi. Sahnada esa bir nechta yosh ijodkorlar ko`rindi va ular xonandaning qo`shiqlaridan parchalar ijro etishdi. 

Sahnada Shahzoda! “To`kilib” qo`shig`i bilan konsertning ikkinchi qismini ochib berdi. Tomoshabinlar kayfiyati a`lo. Ular kutgan va sevgan qo`shiqlari ketma-ket taqdim etilayotganidan mamnun. Shu payt Shahzoda yangi qo`shig`ini ijrosini boshladi. Katta ekran yana aylanib, u erda yoshlarning sevimli guruhi “Ummon” guruhi ko`rindi.

Bu kutilmagan duet tarona ekanini barcha tushunib etdi va olqishlar bilan kutib olishdi. Haqiqatdan ham kutilmagan duet. Biroq bu hali hammasi emas edi. “Ummon” guruhi ekran ortiga kirib ketishdi-yu, ular o`rniga O`zbekistonda xizmat ko`rsatgan artist Rashid Holikov ko`rindi. Barcha birdek sevgan, yosh-u qarini qalbidan joy olgan, yillar o`tsa-da o`z mavqeini saqlab kelayotgan xonanda bilan juda ham chiroyli duet ijro etildi.

Duetlar ketma-ketligi “Ayblama” qo`shig`i bilan davomlandi. Xonanda sahnani tark etdi va raqqos va raqqosalar sharqona raqslarini muxlislarga taqdim etishdi. Katta ekran yana aylandi. Unda butunlay o`zgacha qiyofada, takrorlanmas imijda Shahzoda malikalardek o`tirardi. “Faqat sen” taronasini xuddi shu ko`rinishda yangicha yo`nalishda ijro qildi. Katta ekranda navbatdagi monolog ko`rsatildi va “Xasta” nomli qo`shig`ini kuyladi. Shundan so`ng “Ayrilamiz” va “Baxtli ko`rsam”  qo`shiqlarini o`zgacha yo`nalishda kuylab berdi. “Shunchaki” taronasini ijro etganda hamma birgalikda kuyladi. “Pari” nomli kompozisiya bilan konsertning 3-qismiga yakun yasaldi. Sahnada soyalar raqsi ijro qilindi.

4-qism Benom guruhi bilan birgalikda boshlandi. Ular Dj stoli bilan birgalikda chiqib kelishdi. Ular har doim sevimli bo`lgan  “Kechalar” qo`shig`i kuyladi.

Butun zal birgalikda olqishlashdi. Kutilmagan chiqishlar hammani hayratlantirib qo`ydi. Lekin oldinda yana nimalar kutayotgan ekan degan savol hech kimni chetlab o`tmadi. Dastur sovg`alari hammani konsertga bo`lgan ishtiyoqini yanada oshirdi. So`ng “Dejavyu” qo`shig`ini kuylab berdi. Navbat “Ket” taronasiga ham etib keldi.

Bu jarayon konsertning kulminasion nuqtasiga aylandi. Katta ekran o`girilib unda Shohruh reper ko`ringanda deyarli hamma o`rnidan turib olqishladi. Qo`shiq so`ngida Shahzoda “Sog`inganmidingiz?” -degan savoliga barcha “ha” - deya javob berdi. Va bor ovozda hayqirib, olqishlab xonandani kuzatishdi. Mana bu tuhfa muxlislar uchun sovg`alar ichida eng a`losi bo`ldi.

Mana shunday a`lo kayfiyatda xonanda sahnadan pastga tushib, muxlislar orasida “Chikko” taronasini ijro qildi. Bu payt sahnaga yana bir kichik dekorasiya olib chiqildi.

Google+
WhatsApp
VK
Telegram

Комментарии

Mutolaa

17.11.2017, 16:07
16.11.2017, 18:54

Shou-biznes