Долзарб мавзулар Xalq bilan muloqot va inson manfaatlari yili

Toshkentda quvvatlash uskunalari o`rnatilgan bekatlar soni ko`payadi

Бўлимлар: Jamiyat
Теглар:
Добавлено: 01.06.2016, 14:03

Toshkentda mobil qurilmalari uchun quvvatlash uskunalari bilan ta`minlangan to`rtta bekatni qurish rejalashtirilmoqda. Bu haqda “Gazeta.uz” xabar bermoqda

Tashqi reklama bozorida jahonda etakchilaridan birining filiali hisoblangan JCDecaux UZ kompaniyasi iyunda Oloy bozori hududida to`rtta shunday bekat o`rnatishni mo`ljallagan.

O`zbekiston poytaxtida quvvatlash uskunasiga ega ilk bekat aprel oyida metroning «Oybek» stansiyasi yaqinida paydo bo`lgan edi. Yangi bekatlar nafaqat quvvatlash uskunalari, balki USB-portlar bilan ham ta`minlanadi.

«Biz jamoat transporti yo`lovchilari uchun sharoitlarni bir oz yaxshilaganimizdan mamnunmiz», — dedi JCDecaux UZ tijoriy direktori Sanjar Yo`ldoshev «Gazeta.uz»ga.

Kompaniya vakilining xabariga ko`ra, yangilikka hamma ham loyiq munosabat bildirgani yo`q. Bir safar «Oybek» metrosi yaqinidagi bekatga o`rnatilgan quvvatlash uskunasi tag-tugi bilan yulib ketilgan edi, uni almashtirishga to`g`ri keldi.

Shahar bekatlarida oynali panellarni buzish va reklama tasvirlariga shikast etkazish kabi holatlar kamdan-kam bo`lsa ham uchrab turadi, deya qayd etdi JCDecaux UZ vakili.

Bugungi kunda Toshkentda JCDecaux UZ shahar hokimiyati bilan shartnoma asosida o`rnatgan 193 bekat yo`lovchilarga xizmat ko`rsatmoqda. Ular uchun jihozlarning barchasi Fransiyada ishlab chiqarilgan bo`lib, bekatlar o`rnida yig`iladi xolos. Tez orada bu kabi bekatlar shaharda 200 donani tashkil etadi.

Poytaxtda jamoat transporti bekatlarining umumiy soni 1250 tadan ortadi

Google+
WhatsApp
VK
Telegram

Комментарии

Mutolaa

23.11.2017, 11:32

SUG'DIYONA