Dunyoning taqdirini hal etuvchi siyosatchi ayollar qanday yashaydi?

Бўлимлар: Lady
Теглар: Ayol
Добавлено: 18.07.2016, 16:45

Dunyoning taqdirini hal etuvchi siyosatchi ayollarning qanday yashashi bilan sizni “Lady.mail.ru”  nashri tanishtiradi.

Margaret Tetcherdan so`ng ilk marotaba Qo`shma Qirollik bosh vaziri lavozimini Devid Kemeron iste`foga chiqqandan keyin mamlakat sobiq ichki ishlar vaziri Tereza Mey egalladi. Siyosat bilan shug`ullanuvchi ayollarning davlat ishlaridan qo`li bo`shaganda yana nimalar bilan shug`ullanishi  sizlarga qiziq bo`lishini hisobga olgan holda, bu haqda hikoya qilishni lozim topdik.

Tereza Mey
59 yoshda, Buyuk Britaniya bosh vaziri

Tereza Mey turmush o`rtog`i bankir Filipp Mey bilan Oksfordda o`qib yurganda tanishgan. Ular kichkinagina Sonning shaharchasidan uy olishgan, Jorj va Amal Klunilar uning yon qo`shnisi hisoblanadi. Er-xotin Alp tog`larida piyoda yurishni xush ko`radi. Tereza Mey turmush o`rtog`i bilan baxtli hayot kechirsa-da, farzandi yo`qligidan qalbi kemtikligini yashirmaydi. Unga onalik baxti nasib bo`lmagan.   

“Bizning farzand ko`rish imkonimiz yo`q. Taqdirga tan berdik va olg`a yurishda davom etmoqdamiz. Bu kamchiligim uchun hech kim meni ayblamaydi, deb umid qilaman. Menga boshqalarni tushunish, g`amxo`rlik, xayrixohlik qilish tuyg`ulari begona emas”,  deydi Tereza Mey.

Tereza Mey yorqin rangli va dekolte ko`ylak kiyishni yoqtiradi. Uning qoplon terisi naqshi tushirilgan tufli kiyishni xush ko`rishi haqidagi xabarni, bosh vazir lavozimiga tayinlangani haqidagi xabardan so`ng muhokama qilmagan odam qolmadi. Bosh vazirning fikricha, boshqalarning gapiga kirib, inson o`zligidan voz kechishi shart emas. “Donolik bilan birga kiyim-kechakni ham sevish mumkin. Kareraga erishgandan keyin ham kiyim-kechakni yaxshi ko`rish mumkin!”deydi u.

Angela Merkel
61 yoshda, Germaniya kansleri

Merkel ikki marotaba turmushga chiqqan. U o`zining birinchi nikohini yoshlik xatosi deb hisoblasa, ikkinchisini aksincha, baxtli nikoh deb ataydi. Angelaning turmush o`rtog`i  Ioaxim Zauer omma oldida o`zini ko`z-ko`z qilishni va dabdababozlikni yoqtirmaydi. U rafiqasi bilan biror joyga boradigan bo`lsa, xususiy samolyotda emas, davlat samolyotida uchadi. Rafiqasiga teatrdan tortib, piyoda sayr qilishgacha hamrohlik qiladi.

“Men ayollarning teng xuquqligi uchun kurashadigan feministmanmi? Yo`q, men hukumat tepasida o`tirgan ayol namunasi bo`lsam-da, feminist emasman. Agar o`zimni ulardan biriga tenglashtiradigan bo`lsam, haqiqiy feministlar mendan o`pkalagan bo`lardi”, deydi Angela Merkel.

Merkelning ham farzandi yo`q, shunga qaramay, davlat ishlaridan bo`sh paytida bog`da ishlashni, futbol tomosha qilishni, ovqat pishirishni yaxshi ko`radi. Har kuni ertalab o`z qo`llari bilan eriga nonushta tayyorlashga ham vaqt topadi. Uning kiyinishi ham o`ziga xosdir. U bir paytning o`zida xilma-xillikni ham yomon ko`radi ham yaxshi ko`radi. “Kansler har doim turli rangdagi bir xil pidjakda yuradi”, deb kulgiga oladi ijtimoiy tarmoq foydalanuvchilari.

Elvira Nabiullina
52 yoshda, Rossiya markaziy banki raisi va prezident yordamchisi

Hali aspiranturada o`qib yurgan paytlaridayoq Elvira MDU o`qituvchisi bo`lgan Yaroslav Kuzminovga turmushga chiqqan edi. Ularning o`g`il farzadlari bor. Nabiullinaning fikricha, siyosatchi ayol boshqa hamkasblaridan keskin farq qilishi lozim. U turli rangdagi kostyum va tomoqni bo`g`ib turadigan koftalar kiyadi. Yillar davomida soch turmagini o`zgartirmaydi va hech qachon kosmetikadan foydalanmaydi. Ba`zida o`ziga erk berib, ko`zga yaqqol tashlanadigan sharflarni tashlab oladi.

“Iqtisod nimaligini tushunmasdim, meni noma`lumlik o`ziga jalb etdi”– deydi  Elvira Nabiullina

Nabiullina — juda sirli ayol bo`lib, shaxsiy hayoti haqida gapirishni yoqtirmaydi. Shunga qaramay, uning chiroyli mebellarni to`plashni xush ko`rishi ko`pchilikka ma`lum. Uning xonasida yong`oq daraxtidan yasalgan, charm qoplangan Italiya mebeli mavjud. Rasmiy ma`lumotlarga ko`ra, siyosatchi ayol Moskvadaga ko`p qavatli uylardan birida joylashgan oddiygina uch xonali uyda istiqomat qiladi.

Valentina Matvienko
67 yoshda, Rossiya Federal majlisi Federasiya kengashi a`zosi

Valentina Matvienko turmush o`rtog`i Vladimir Matvienko bilan institutda tanishgan, ular kursdosh bo`lgan. Juftlikning yagona o`g`il farzandi bor. 2010 yilda Valentina Matvienko buvi bo`ldi. Davlat ishlaridan qo`li bo`shaganda asosiy vaqtini nevarasi bilan o`tkazadi. Turmush o`rtog`i Vladimir Matvienko esa bu baxt nashidasini surolmaydi. Chunki u bir necha yillardan beri og`ir kasallik tufayli nogironlik aravachasiga mixlangan va Sankt-Peterburg yaqinida joylashgan xos uyda yashaydi. 

“Ayol kishining siyosatdagi o`rni, erkak kishining siyosatdagi o`rni kabi gaplarni, taqqoslashlarni yoqtirmayman...” deydi Valentina Matvienko.

Siyosatchi ayol rasm chizishni, tennis o`ynashni va tog` chang`isida uchishni xush ko`radi.

Matvienko kiyim tanlashda unga stilist yordam berishini yashirmaydi, yorqin ranglardagi kostyum va zalvorli aksesuarlar ishlatishni, qimmatbaho po`stin, rang-barang sharflar taqishni yoqtiradi.

Shayx Hasina Vazed
68 yoshda, Bangladesh bosh vaziri

Bu achchiq qismatli ayolni evropalik siyosatchi ayollar bilan tenglashtirishning o`zi og`ir masala. Chunki islom dini hukmronlik qilgan mamlakatda ayol kishining hukumat tepasiga kelishi juda qiyin ish. Dovyurak, irodali, jasur Shayx Hasina boshidan kechirgan falokatlarni boshqa odam ko`tara olmasligi tayin edi. Mamlakatdagi davlat to`ntarishi, quvg`in, teraktlar, suiqasd, ota-onasining, aka-ukalarining halok bo`lishi kabi fojia menman degan erkakning ham irodasini sindirishi mumkin. Ammo metin irodali bu ayol o`ziga va xalqiga nisbatan bo`lgan ishonchni yo`qotmadi.

“Tarixda sening shaxsiy muvaffaqiyatlaring emas, balki odamlar qalbini larzaga sola olgan harakatlaring qoladi. Shaxsiy ish uchun biror daqiqa ortiqcha vaqtim yo`q”– deydi

Shayx Hasina.
Shayx Hasinaning turmush o`rtog`i fizik-yadrochi bo`lib, ular 40 yil birga turmush kechirishgan. Ammo 2009 yilda uning turmush o`rtog`i vafot etgan. Lekin u yolg`iz emas, Shayx Hasina etti nevaraning sevimli buvijoni. Ba`zida bo`sh vaqt topsa badminton o`ynashni yoqtiradi. Ammo bunday vaziyat kamdan-kam hollarda ro`y beradi, “Men har bir daqiqamni mamlakatim xizmatiga bag`ishlashim kerak”, deydi u.

Mishel Bachelet
64 yoshda, Chili prezidenti

Mishel har doim o`ziga katta e`tibor bergan holda, sochlarini chiroyli turmaklab, ixcham taqinchoqlar taqib, turli rangdagi kostyumlar kiyadi. Bundan tashqari, uning labidan tabassum, ko`zidan mehr-muhabbat arimaydi. Mishel Bachelet haqiqatan ham Chili xalqining onasidir.

“Bundan 5, 10, 20 yillar ilgari Chili prezidenti ayol kishi bo`ladi, deb kim  o`ylagandi? Mening gunohlarim ko`p, eridan ajrashgan, sosialist va agnostik ayolman!”–deydi Mishel Bachelet.

Mishel Bachaletning ham hayoti silliq kechmagan. Uning otasi qamoqxonada vafot etgan, o`zi ham umrining bir necha yilini panjara ortida o`tkazgan. Ammo bugun Chili prezidentiga qarab turib, bunga ishonish mushkul. U hayotga tashnaligi, ochiq ko`ngilligi, tabassumi bilan boshqalardan ajralib turadi. Uning uch farzandi bor, ular turli otalardan dunyoga kelgan. Hozirda Chili prezidentining boshi ochiq, eridan ajrashgan.

Google+
WhatsApp
VK
Telegram

Комментарии

Mutolaa

21.06.2017, 16:08