Долзарб мавзулар Xalq bilan muloqot va inson manfaatlari yili

Barak Obamaning joniga qasd qilmoqchi bo`lgan erkak qo`lga olindi

Бўлимлар: Dunyo
Теглар: Barak Obama
Добавлено: 30.08.2016, 09:54

FQB AQSh prezidenti Barak Obamaning joniga qasd qilmoqchi bo`lgan Massachusets shtatida yashovchi erkakni qamoqqa oldi, deb xabar berdi “Lenta.ru” nashri.

40 yoshli gumonlanuvchi, Jozef Gargyulo qamoqqa olingandan keyin uyi tintuv qilinganda, qurol-yaroq, katta miqdordagi o`q-dorilar zahirasi va portlovchi moddalar topilgan. U shanba, 27 avgust kuni qo`lga olingan.

Tergov bergan ma`lumotga ko`ra, Jozef Gargyulo AQSh prezidentini Martas-Vin`yardda mehnat ta`tilida golf o`ynayotganda o`ldirmoqchi bo`lganini tan olgan. Bundan tashqari, u maxsus xizmat xodimlariga va musulmonlarga ham hujum uyushtirishni rejalashtirgan.

Hujjatlarda Jozef Gargyuloning ruhiy kasal ekanligi eslatib o`tilgan, u steroidlar iste`mol qilishi ham taxmin qilingan. Erkakka nisbatan noqonuniy ravishda qurol-yaroq saqlash aybi qo`yilgan. 

Jozef Gargyulo AQSh da qora tanli prezidentning joniga qasd qilmoqchi bo`lgan yagona odam emas. Jinoyatchilarning aksariyat qismi ruhiy kasallar bo`lgan.

Google+
WhatsApp
VK
Telegram

Комментарии

Mutolaa

SUG'DIYONA