Долзарб мавзулар Xalq bilan muloqot va inson manfaatlari yili

Dubay amiri ish vaqtida joyida bo`lmagan 9 nafar amaldorni vazifasidan chetlatdi

Бўлимлар: Dunyo
Теглар: Ish beruvchi, Ish
Добавлено: 30.08.2016, 15:05

Birlashgan Arab Amirliklari bosh vaziri va Dubay amiri shayx Muhammad to`satdan o`tkazilgan tekshiruv vaqtida ish joyida bo`lmagan yuqori mansabli 9 nafar amaldorni ishdan bo`shatdi, deb xabar berdi “Tjournal.ru” nashri. 

Yakshanba kuni ertalab, shayx Muhammad hukumat idoralarida, Dubay aeroportida, iqtisodiy rivojlanish va er masalalari bilan shug`ullanuvchi departamentda to`satdan tekshiruv o`tkazdi. BAA da boshqa musulmon mamlakatlari kabi, juma dam olish, yakshanba esa haftaning birinchi kuni hisoblanadi. 

Bir qancha hukumat idoralarini aylangan shayx Muhammad amaldorlarning ish joylarida yo`qligini ko`rgan. Ertasi kuni shayx Muhammad 9 nafar amaldorni ishdan bo`shatish haqida buyruq bergan. Ularning orasida huquqiy masalalarni hal etuvchi departmentning ijrochi direktori, apparat ma`muriyati direktori, bosh direktor muovini va ularning bir qancha yordamchilari bo`lgan. 

Shayx Muhammad ularni ishdan bo`shatib, “Kelajak avlod rahbarlariga rivojlanishning kelgusi bosqichida mas`uliyat va javobgarlikni his qilish bo`yicha” ibrat namunalarini ko`rsatmoqchi bo`lgan. BAA bosh vaziri ishdan bo`shatilgan amaldorlarga kelgusi ishlarida muvaffaqiyatlar tilab, shu paytgacha qilgan xizmatlari uchun minnatdorchilik bildirgan.

67 yoshli shayx Muhammad 2006 yildan beri Dubayga rahbarlik qilib keladi. U shaxsan bir qancha — shu jumladan Emirates avia yuk tashuvchi kompaniyasining, mashhur Burj-al- Arab mehmonxonasining, Palma orollarining iqtisodiy rivojlanishida etakchilik qilgan.

Google+
WhatsApp
VK
Telegram

Комментарии

Mutolaa

17.11.2017, 16:07
16.11.2017, 18:54

Shou-biznes

SUG'DIYONA

18.11.2017, 18:25