41

​Yulduz Usmonova 10 yillik sog`inchini dildan tilga chiqardi(Foto va videoreportaj)

Shou-biznes 14.04.2017, 15:18
Теги: Foto, Konsert, Yulduz Usmonova
13417
​Yulduz Usmonova 10 yillik sog`inchini dildan tilga chiqardi(Foto va videoreportaj)

“Sog`intirib yashagim kelar”, deya kuylaydigan O`zbekiston xalq artisti Yulduz Usmonova sog`intira-sog`intira “Ey, aziz inson” nomli 15 kunlik jonli ijrodagi konsert dasturi bilan katta sahnaga qaytdi...

Konsertni “Bahorim” qo`shig`i bilan boshlagan Yulduz Usmonova “Azizlarim, mehribonlarim, yillar o`tib, sog`lik-omonlikda diydor ko`rishganimizdan benihoya xursandman! Ochig`i, judayam hayajondaman. Diydor ko`rishishimizga sababchi bo`lganlarning hammalariga Allohdan jamiki ezguliklarni so`rab qolaman! Kecha konsertimiz uch soat davom etgandi. Bugun meni qo`llab-quvvatlab tursangiz, sizlar uchun to`rt soat xizmat qilishga ham tayyorman”, deya 10 yillik sog`inchini dildan tilga chiqardi.

Usmonova konsert avvalida “Bugungi dasturimiz milliylikka yo`g`rilgan”, deya ta`kidlagandi. Chindan ham qo`shiqlar nafaqat mazmun-mohiyati, balki sahnaga chiqayotgan har bir detal, raqslar bilan ham boyi­tilgani e`tirofga loyiq. Hatto qo`shiqqa monand tarzda katta ekranda ko`rsat­ilgan “Sen etim emassan”, “Alisher Navoiy” film­laridan lavhalar ham tomoshabinni qo`shiq ruhiyatiga olib kirishga yordam berdi.

"Alloh hazrati insonni yaratibdiki, farishtani ham xizmatiga qo`yibdi. Lekin ba`zilar insonni beshikdan boshlab qadrlashni o`rganmayapti. Oqibatda kimlardir etimlik azobini totayapti, inson insonni xor qilyapti. O`zbek millati barchaga ibrat bo`lishi kerak! Ota-bobolarimizning an`analarini davom ettirib, o`zimizdan munosib avlod qoldiraylik. Alloh e`zoz qilgan insonni biz ham qadrlaylik", deya konsert dasturini bejiz "Ey, aziz inson", deya atamaganini ta`kidlab, shu nomdagi qo`shig`ini ijro etdi.

“O`zbekni dunyo tanishi uchun o`zimizni, ajdodlarimizning kimligini bilishimiz shart! Sizlarni o`tmishga sayohat qildirsam”, deya Boborahim Mashrabni yod etib qo`shiq kuyladi. Qo`shiq boshlanishi bilan muxlislar orasidan o`tib, Mashrab siymosida sahnaga chiqqan aktyor va sahnani to`ldirgan raqqosu, raqqosalar taronaning ta`sir kuchini oshirdi.

Xonanda “Dunyo” qo`shig`ini boshga paranji tashlagancha kuylab, muxlislarni beixtiyor qo`shiq “dunyo”siga olib kirdi. Usmonova dekorasiya, sahnadagi atributlar, qo`shig`idan to liboslarigacha milliylikka alohida urg`u bergan.

Paxtakor va bog`bon qizlarga atab sahnalashtirilgan sahna ko`rinishi ham tomoshabinlarga kayfiyat ulashdi. Usmonova esa ularga bag`ishlab, "Omon-omon" qo`shig`ini kuyladi.

Kishini chuqur mulohaza qilishga undovchi qo`shiqlar bilan bir qatorda uchinchi blokdan joy olgan sho`x qo`shiqlardan iborat “popurri” muxlislarni o`ynatmay qo`ymadi.

"Qizg`aldog`im", "Binafsha" kabi qo`shiqlari bilan muxlislarga bahor taftini ulashdi.


Fakt:

  • Konsert rejissyori — Shuhrat Nuraliev.
  • Qo`shiqlarga hamohang raqslarni “Navro`z” va “Navbahor” raqs ansambllarining raqqosa va raqqoslari ijro etishdi. Bosh baletmeyster Ravshanoy Sharipova. Shuningdek, baletmeysterlar Gulmira Shirinova, Erkin Qahhorov, Zarina Ahmedovaning mehnatlarini ham alohida e`tirof etish joiz.
  • Dasturda jami 21 ta qo`shiq ijro etildi.
  • Konsert boshlovchisi O`zbekistonda xizmat ko`rsatgan artist O`tkir Siddiqov. Dastur mehmoni qiziqchi Shukurillo Isroilov bo`ldi.

  • Bilasizmi?

  • Sahnani bahoriy tarzda be­zatgan sahna bezakchisi — Hasan Rahimov. Yulduz Usmonovaning talabiga ko`ra, zaldagi barcha tomoshabinga sahna birdek ko`rinishini ta`minlash maqsadida etti qavat katta ekrandan iborat dekorasiya tayyorlandi. Dekorasiya 9 kun mobaynida qurilgan. Sahna uchun 1300 metr oq harir matodan maxsus parda ham tikilgan.
  • Yulduz Usmonovaning liboslari dizayneri — Dilnoza Umrzoqova. Xonanda sahnada 3 ta: zamonaviy-retro, Toshkent-Farg`ona yo`nalishidagi liboslarda namoyon bo`ldi.
  • Muxlislarning erkatoy xonandasi, o`zbek estradasining primadonnasi Yulduz Usmonova sahnada chin ma`noda yashadi, mehr-muhabbatini qo`shiqqa jo qilib, evaziga olqishlar guldastasi, cheksiz samimiyatdan kelasi konsert dasturigacha etadigan kuch-quvvat ololdi. Xonandaning keyingi konsert kunlari ham fayzli va samimiy ruhda o`tishini tilab qolamiz!



    Sadoqat ALLABERGANOVA tayyorladi.
    Fotomuxbir: Islom RO`ZIEV

    Комментарии

    Xorijiy ijodkorlar o`zbek yoshlariga mahorat-sabog`ini o`tishdi

    10.10.2019, 16:32

    “Yozuvchi/rassom/madaniyat xodimi rezidensiyada” dasturi ishtirokchilari Yoshlar press klubida ijodkor yoshlar bilan uchrashishdi.O`zbek va xorij ijodkorlari hamkorligini rivojlantirish maqsadida tashkil etilgan ushbu rezidensiya dasturining dunyoning turli...
    Surxondaryoda uch egizak dunyoga keldi

    07.10.2019, 18:03

    Kuni kecha Termiz shahar Sahovat mahallasidagi Haydarovlar xonadonida uch nafar egizak farzandlar dunyoga keldi. Shahar tibbiyot birlashmasining tug`ruq bo`limida ko`zi yorigan surxondaryolik Iroda Xo`jamova ikki...
    Maktabgacha ta`lim vazirligi mobil va modulli MTTlarni taqdim etdi (Foto)

    04.10.2019, 15:49

    2019 yil 4 oktyabr kuni mobil va modulli maktabgacha ta`lim muassasalarining taqdimoti bo`lib o`tdi. Ular oddiy MTTlarni qurish imkonsiz bo`lgan chekka qishloq joylari, tog`li hududlar...
    Raqqosalarimiz Koreyadagi Niqob raqs festivalida ishtirok etishmoqda (foto)

    03.10.2019, 17:44

    O`zbekiston Respublikasi Madaniyat vaziri o`rinbosari boshchiligidagi O`zbekiston delegasiyasi 27-sentyabrdan 6-oktyabrga qadar Koreya Respublikasining Andon shahrida o`tkazilayotgan xalqaro Niqob raqs festivalida ishtirok etmoqda.