Ташкент +27° Sat 10:08
Долзарб мавзулар Foto

Donald Tramp Shavkat Mirziyoevni Ramazon hayiti munosabati bilan tabrikladi

Бўлимлар: Siyosat
Теглар:
Добавлено: 13.06.2018, 19:56

Ramazon hayiti munosabati bilan O`zbekiston Prezidenti Shavkat Mirziyoev nomiga xorijiy mamlakatlar davlat va hukumat rahbarlaridan tabrik maktublari kelmoqda. Bu haqda Prezident matbuot xizmati xabar bermoqda.

Foto: Prezident matbuot xizmati

Jumladan, AQSh Prezidenti Donald Trampning qutlovida bunday deyilgan:

Muhtaram Prezident Janobi Oliylari!
Amerika xalqi nomidan Melaniya va men Sizga va O`zbekiston xalqiga Ramazon hayiti munosabati bilan samimiy tabriklarimizni yo`llaymiz.

Ramazon oyining yakunlanishini nishonlar ekanmiz, adolat va rahm-shafqatga asoslangan Islom dinining qo`shnilarga yordam berish va turli e`tiqoddagi insonlar bilan rizqini baham ko`rishdek muqaddas an`anasini yanada teran anglaymiz. Iyd al-Fitr bir-birini qo`llab-quvvatlash va barchaning o`z salohiyatini to`laligicha yuzaga chiqarish imkonini beradigan jamiyat barpo etish mas`uliyatini yodga soladi.

Amerika Qo`shma Shtatlari ko`plab din vakillari, shu jumladan, mamlakatimizga muhim hissa qo`shgan va qurolli kuchlarimizda munosib xizmat qilgan amerikalik musulmonlarning ham yurtidir.

Men dunyodagi barcha musulmonlarga o`zimning eng samimiy tabriklarimni yo`llayman. Ushbu bayram kunlarida va kelgusi yilda ularga sihat-salomatlik va farovonlik tilayman. Ramazon hayiti muborak!


Hurmat bilan,

Donald J.Tramp, AQSh Prezidenti

Shuningdek, quyidagilar o`z tabriklarini yo`llagan:

Qozog`iston Respublikasi Prezidenti Nursulton Nazarboev;

Turkmaniston Prezidenti Gurbanguli Berdimuhamedov;

Ozarbayjon Respublikasi Prezidenti Ilhom Aliev;

Ikki muqaddas masjid xodimi, Saudiya Arabistoni Podshohi Salmon bin Abdulaziz as-Saud;

Saudiya Arabistoni Podshohligi valiahdi, Vazirlar Mahkamasi raisining o`rinbosari, mudofaa vaziri Muhammad bin Salmon bin Abdulaziz as-Saud;

Iordaniya Hoshimiylar Podshohligi Podshohi Abdulla Ikkinchi bin al-Husayn;

Falastin Davlati Prezidenti, Falastin ozodlik tashkiloti Ijroiya qo`mitasi raisi Mahmud Abbos;

Islom hamkorlik tashkiloti Bosh kotibi Yusuf Al-Usaymin.

Qutlovlar kelishi davom etmoqda.

Google+
WhatsApp
VK
Telegram

Комментарии

Mutolaa

21.06.2018, 07:42
20.06.2018, 09:48