Ташкент +4° Sat 16:03
Долзарб мавзулар Foto

Shavkat Mirziyoev Rossiya Federasiyasi iqtisodiy rivojlanish vazirini qabul qildi

Бўлимлар: Siyosat
Теглар:
Добавлено: 07.03.2019, 15:18

O`zbekiston Respublikasi Prezidenti Shavkat Mirziyoev 7 mart kuni Iqtisodiy hamkorlik bo`yicha O`zbekiston-Rossiya hukumatlararo komissiyasi hamraisi, Rossiya Federasiyasi iqtisodiy rivojlanish vaziri Maksim Oreshkinni qabul qildi. Bu haqda Prezident matbuot xizmati xabar berdi.

Davlatimiz rahbari mehmonni samimiy qutlar ekan, O`zbekiston bilan Rossiya o`rtasidagi do`stlik, strategik sheriklik va ittifoqchilik munosabatlari, shuningdek, ko`p qirrali amaliy hamkorlik jadal rivojlanib, izchil mustahkamlanib borayotganini katta mamnuniyat bilan qayd etdi.

Muntazamlik kasb etgan oliy darajadagi aloqalar va davlat rahbarlari o`rtasidagi ishonchga asoslangan muloqot, mamlakatlarimiz idoralari, hududlari va ishbilarmon doiralari o`rtasidagi sheriklik va almashinuvlar jadallashgani savdo-iqtisodiy, investisiyaviy, ilmiy-texnik va madaniy-gumanitar sohalardagi samarali hamkorlikni misli ko`rilmagan darajada oshirishga xizmat qildi.

O`tgan yil oktyabr oyida Rossiya Prezidenti Vladimir Putinning O`zbekistonga davlat tashrifi hamkorlikni yangi amaliy mazmun bilan boyitdi.

2018 yil yakunlariga ko`ra o`zaro savdo hajmi 20 foizga oshib, qariyb 6 milliard dollarga etdi. Rossiyaning etakchi kompaniya va banklari ishtirokida, jumladan, energetika, neft-gaz, kimyo, mashinasozlik, elektrotexnika, to`qimachilik, oziq-ovqat va ko`plab boshqa tarmoqlarda yirik investisiya loyihalari amalga oshirilmoqda.

O`zaro muloqotning yangi ko`p darajali formati, ya`ni ikki davlat Bosh vazirlari darajasidagi Ikki tomonlama hamkorlik bo`yicha qo`shma komissiyaning tashkil etilishi, hech shubhasiz, ko`p qirrali sheriklikni kengaytirish bo`yicha erishilgan kelishuvlar samaradorligini oshirish va ularni o`z vaqtida ro`yobga chiqarishga xizmat qilishi ta`kidlandi.

O`zaro hamkorlikning istiqbolli yo`nalishlari qatorida mamlakatimiz hududlarida Rossiya kompaniyalari ishtirokida agroklasterlar va logistika markazlarini tashkil etish, O`zbekiston meva-sabzavot va to`qimachilik mahsulotlarini Rossiya bozoriga yirik hajmda ulgurji etkazib berish bo`yicha yangi tizimni joriy etish, hududlararo hamkorlikni yanada mustahkamlash uchun qulay sharoitlar yaratish, sog`liqni saqlash va ta`lim sohalarida o`zaro almashinuvlarni kengaytirish va qo`shma loyihalarni amalga oshirish qayd etildi.

Rossiya iqtisodiy rivojlanish vaziri davlatimiz rahbariga samimiy qabul uchun minnatdorlik bildirib, Rossiya Federasiyasi Prezidenti Vladimir Putin hamda Hukumat Raisi Dmitriy Medvedevning salomi va eng ezgu tilaklarini etkazdi.

Maksim Oreshkin O`zbekistonda mamlakatning barqaror taraqqiyotini ta`minlash, iqtisodiyotni liberallashtirish va ishbilarmonlik muhitini yaxshilash, investorlarni va tadbirkorlik tashabbuslarini qo`llab-quvvatlash borasida amalga oshirilayotgan keng miqyosli islohotlarni yuksak baholadi.

Rossiya o`zaro savdo hajmini oshirish va nomenklaturasini kengaytirish, turli sohalarda istiqbolli qo`shma investisiya loyihalarini amalga oshirish uchun bundan buyon ham zarur choralar ko`rishga tayyor ekani ta`kidlandi.

Google+
WhatsApp
VK
Telegram

Комментарии