Му5
46

Namangan viloyati qishloq xo`jaligi sohasida Hindistonning Gujarot shtati bilan hamkorlik qiladi

Iqtisodiyot 16.10.2019, 16:47
296
Namangan viloyati qishloq xo`jaligi sohasida Hindistonning Gujarot shtati bilan hamkorlik qiladi

Hindiston Respublikasining Gujarot shtati Agrosanoat korporasiyasi boshqaruvchi direktori Karmjit Singx Randxava boshchiligidagi delegasiya Namangan viloyatiga tashrif buyurdi.

Viloyat hokimining qishloq va suv xo`jaligi masalalari bo`yicha o`rinbosari Tohirjon Rapiqov viloyat hokimligida hindistonlik mehmonlar bilan uchrashdi. Uchrashuvda Namangan viloyatining qishloq xo`jaligi hamda baliqchilik sohalaridagi salohiyati hamda Gujarot shtati ishbilarmon doiralari bilan hamkorlik istiqbollari muhokama qilindi.

Viloyatdagi qishloq xo`jalik ekin maydonlarini sug`orish tizimi hamda qishloq xo`jaligi mahsulotlari logistikasi holatiga ham mehmonlar tomonidan katta qiziqish bildirildi.

Namangan viloyati qishloq xo`jaligi sohasiga investisiyalar hamda yangi texnologiyalar olib kirish, viloyatda etishtirilayotgan ho`l va quruq mevalarni hamda sabzavotlarni Hindistonga eksport qilish, shuningdek sho`rxok erlarni tozalashda texnik va konsultativ hamkorlik qilish masalalari ham uchrashuv kun tartibidan o`rin oldi.

Шарҳлар