Plastik jarrohlikka 700 ming dollar sarflagan ayol kosmetolog bo`lishga qaror qildi

11:24, 21 aprel

Buyuk Britaniyaning London shahrida yashovchi ayol o`z tashqi ko`rinishini o`zgartirish uchun plastik jarrohlik amaliyotiga 700 ming dollar sarfladi. U kosmetik muolajalarga ruju qo`ygani sabab, o`zi mustaqil ravishda ularni o`tkazishga ruxsat oldi. Bu haqda “Lenta.ru” xabar bermoqda.

55 yoshli Sara Berj o`z uyidan alohida xona ajratib, uni plastik jarrohlik amaliyoti va muolajalarni o`tkazish uchun jihozladi. 

Sara shu vaqtga qadar 150 dan ortiq plastik jarrohlik operasiyalarini boshdan kechirgan. U maxsus kurslarda o`qib, kosmetik muolajalarni o`tkazish huquqini beruvchi lisenziyani qo`lga kiritdi.

Uch farzandning onasi Sara Berjga botoks muolajasini qilish, ukol yordamida burun, yanoq va lablar shaklini o`zgartirish huquqi berildi.

Britaniyalik ayolning aytishicha, u zo`ravonlik qurboni bo`lgan ayollarga zaruriy yordamni ko`rsatish uchun kerakli bilim va ko`nikmalarga ega bo`lgan.

Saraning o`zi ham bezorilar hujumiga uchraganidan so`ng plastik jarrohlik amaliyotiga murojaat qilgan.

U o`z tashqi ko`rinishini mukammallashtirishdan to`xtamasligini bildirdi. 

“Plastik jarrohlik amaliyotlari menga o`zim istagan tashqi ko`rinishga ega bo`lishimga ko`maklashdi. Endi boshqalarga ham bunday imkoniyatni taqdim etmoqchiman”,—deydi Sara.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!