Kaniza plagiatda ayblagan xonandalaridan uzr so`radi

16:42, 02 may

Xonanda Kaniza 28 aprel kuni “Istiqlol” san`at saroyida bo`lib o`tadigan konserti va nikoh to`yi oldidan o`tkazgan matbuot anjumanida O`zbekiston xalq artisti Ozodbek Nazarbekov, O`zbekistonda xizmat ko`rsatgan artist Rayhon G`anieva, xonanda Munisa Rizaeva hamda “Benom” guruhlariga o`z e`tirozini bildirgani haqida xabar bergandik.  

Xonanda san`atkorlarga nisbatan qattiq ko`rinib qolgan fikrlari uchun uzr so`radi, deb yozadi Sayyod.com nashri: 

“Jurnalistlar aybdor emas, o`zim xayajonlanib, fikrlarimni to`g`ri etkazib bera olmadim. Xamma xamkasblarim va xonandalarni hurmat qilaman va shu paytgacha hamma guvoh, buni ular ko`rishib qolganimizdagi muomalamdan to ularning konsertlariga o`zim chipta xarid qilib gullar bilan borib tabriklashim dalil. Hattoki bir xonanda "uni taklif qilmagandim, kelib gul berganida hayron  bo`ldim” deganidan xam xabarim bor (kuladi). Maylida kim uchun hurmat bu taklif etilganida konsertiga quruq kelib, yarmidan chiqib ketishi, kimgadir esa chiptasini xarid qilib gul bilan kelib tabriklashi hurmat sanalar. Bu minnat so`zlari emas, aslo. Shunchaki bor xaqiqat. Matbuot anjumanidagi haqiqatlarim ham shaxsiy fikrimcha va ta`bir joiz bo`lsa xatoim hamda menga shunday tuyulgandek bo`la qolsin. Men baxtliman, shukr dasturim biroz xatolik bilan o`tgan bo`lsada, aksariyat tomoshabin va hamkasblar tarafidan  birinchi konsert uchun a`lo deya baholandi. Eng asosiysi oila qurdim. Hozircha turmush o`rtog`im nazorati ostida ijodni davomlashimga kelishildi. “Chilla o`tgach” xizmatga sho`ng`iymiz. Uyog`ini vaqt ko`rsatar.”

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!