Bollivud aktrisasi Bipasha Basu turmushga chiqdi(Foto)

16:51, 02 may

Bipasha va Karan 2015 yilda suratga olingan “Yolg`izlikda” filmi s`yomkalari jarayonida tanishishgan. Ular avvaliga o`rtalaridagi ishqiy munosabatlarni ommadan berkitishgan, ammo paparassi ularning birgalikda sayr qilayotganlarini suratga tushirgan. Juftlik to`g`risida Karanning onasi ma`lumot bergandan keyingina aktyorlar o`rtalaridagi ishqiy munosabatni tan olishdi. 

 

Juftlik bir necha bosqichdan iborat hind an`analari aks etgan to`yni nishonlashdi. To`yning bunday bosqichlaridan biri bo`lmish Mexendi 28 aprel kuni Juxudagi “Villa 69” nomli qishloqda bo`lib o`tdi. Ertasi kuni Bipashaning Bandra shahridagi qarorgohida bengalcha tantana o`tkazildi. Shu kuni kechqurun Mumbay shahrida katta, asosiy to`y tantanasi bo`lib o`tdi. To`yda Bollivudning barcha aktyor va aktrisalari qatnashdi. 

 

Qiziq fakt: To`yda Bipashaning sobiq sevgilisi Dino Moreaning ma`shuqasi Nadtita Mantani tashkilotchilik qildi. Mana buni tasodif desa bo`ladi!

 

Karanning Bipashaga muhabbat izhor qilib, kelinning hovlisiga o`rnatilgan batutda sakrashlari kechaning eng esda qolarli voqeasi bo`ldi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!