Tojmahal hasharotlardan yashil tusga kirdi

13:11, 21 may

Hindistonning Agra shahrida joylashgan, Boburiylar tomonidan barpo etilgan Tojmahal me`moriy yodgorligi mayda chivin va hasharotlar qoldirgan ajratmadan yashil tusga kirdi, deb xabar berdi “Vesti.ru” nashri. 

Arxeologlar bu hashoratlarni yodgorlik yonidan oqib o`tuvchi Jamnaning iflos suvlarida yashovchi Goeldichironomus zararkunandalarining bir turi ekanligini aniqlashdi.

Mutaxassislarning ma`lumot berishicha, hasharotlar binoga jiddiy zarar etkazmaydi, chunki uning oppoq marmarlari har kuni yuviladi, ular yil davomida ikkinchi marotaba yodgorlikka hujum uyushtirishyapti. Arxeologlar yodgorlik oldidan oqib o`tuvchi Jamna daryosini sanoat chiqindilaridan, odamni yoqqandan keyin tashlanadigan kullardan tozalash zarur deb hisoblashmoqda. 

Agrada gidlar hukumat zararkunanda va hasharotlarga qarshi biror chora-tadbir o`ylab topishiga umid qilishmoqda, bo`lmasa, ular sayyohlarga nima uchun yodgorlikning oppoq marmarlari yashil tusga kirganini tushuntirishdan charchashganligini bildirishdi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!