Bu yilgi zakot, fitr va fidya miqdori e`lon qilindi

16:23, 26 may

O`zbekiston musulmonlari idorasi ulamolar kengashining qarori bilan bu yilgi zakot, fitr va fidya miqdori e`lon qilindi.

O`zbekiston musulmonlari idorasi Fatvo hay`atining milodiy 2016 yil (hijriy 1437 yil) uchun ZAKOT nisobi 1 gr. tilloning bugungi kundagi bozordagi o`rtacha narxi 135 000 so`m ekanligini e`tiborga olib, 85 gr. tillo hisobidan zakot nisobi 11 475 000 so`m ekanligi va mazkur summadan qirqdan bir hissasi, ya`ni 286 875 so`m zakot chiqarish to`g`risidagi xulosasi ma`qullandi.

Bu yilgi Fitr sadaqasi miqdori viloyat, shahar va tuman bozorlaridagi 2 kg. bug`doy narxidan kelib chiqqan holda belgilandi. (Masalan 2016 yilda Toshkent shahar bozorida 1 kg. bug`doyning narhi o`rtacha 2000 so`m bo`lsa, demak 2 kg. bug`doy narxi 4000 so`m bo`ladi). 

Bu yilgi Fidya miqdori doimiy uzr bilan ro`za tutolmaydigan kishilar uchun bir och odamning bir kunlik oziq-ovqati barobarida bo`lib, o`rtacha 10 000 so`m deb belgilandi.


 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!