Germaniyada suv toshqini oqibatida ko`chadagi avtomobillar ham oqib ketdi

16:47, 30 may

Germaniya janubida kuchli yomg`ir oqibatida suv toshqini yuzaga kelib, uch kishi halok bo`lgan. 29 may kuni kechqurun mamlakatning janubiy qismida momaqaldiroq bo`lib, kuchli do`l yoqqan, deb xabar berdi “Vesti.ru” nashri.

Tabiiy ofatdan Baden-Vyurtemberg va Bavariya hududlari kuchli talafot ko`rgan. Ma`lumotlarga ko`ra, Baden-Vyurtembergda o`t o`chiruvchi va uni qutqarmoqchi bo`lgan kishi halok bo`lgan.

Xaylbronnda erto`la-garajda qamalib qolgan odam ham halok bo`lgan. Mahalliy polisiyaning xabar berishicha, tabiiy ofatni bartaraf etish bo`yicha barcha chora-tadbirlar ko`rilmoqda. Xaylbronn shahri boshqalariga qaraganda jiddiy talafot ko`rgan.   

Ijtimoiy tarmoqlarda ko`chada duch kelgan narsani, hattoki avtomobil, yuk mashinalarini oqizib, yuvib ketayotgan toshqin aks ettirilgan videolar paydo bo`lgan. Ba`zi bir tumanlarda avtomobil yo`llari berkilib qolgan.

Braunsbax shahrida daryo qirg`og`idan toshib ketgan. Aholining asosiy qismi evakuasiya qilingan, qurbonlar yo`q.

Sinoptiklar po`rtana mamlakatning shimoli-sharqiy tomoniga qarab harakat qilayotganini ma`lum qilgan. Brandenburg aholisi 30 may kuni po`rtanadan ogohlantirilgan.


 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!