“AQSh go`zali - 2016” tanlovida harbiy qiz g`alabani qo`lga kiritdi

16:26, 06 iyun

AQShning Las-Vegas shahrida 5 iyun kuni o`tkazilgan “AQSh go`zali” tanlovida 26 yoshli, vashingtonlik harbiy xizmatchi qiz Deshona Barber g`alabaga erishdi, deb xabar berdi “Tjournal.ru” nashri. 

Iste`fodagi harbiy xizmatchining qizi, “Kolumbiya okrugi go`zali” unvoni egasi, Virjiniya shtati Universitetining biznes-menejment fakultetini tugatgan Deshona otasining izidan borib, AQSh qurolli kuchlari, quruqlikdagi qo`shinlari safiga yoziladi. U Fort-Mid bazasida kapitan unvonini olgunga qadar xizmat qiladi. Uning fikricha, harbiy xizmatchi ayollarning harbiy erkaklardan farqi yo`q, AQShda jins odamni chegaralab qo`ymaydi.

Aynan Deshora Barber yil oxirida o`tkaziladigan “Koinot go`zali” tanlovida AQSh sharafini himoya qiladi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!