Aloy o`simligi kosmetikadagi eng samarali vosita deb e`tirof etildi

17:05, 06 iyun

2016 yil kosmetikasida aloy o`simligi eng keng tarqalgan samarali vositalardan biri bo`ladi, deb xabar berdi “Lenta.ru” nashri. 

Buni Future Market Insights (FMI) tashkiloti  oziq-ovqat, farmasevtika va kosmetika sanoatida ishlatiladigan vositalari tahliliy ma`ruzasida, uni eng samarali vosita deb tan oldi. Bu o`simlikni tayyorlash hajmi 60720 tonnaga etgan.

O`simlik xom ashyosining umumiy tannarxi 1,6 million dollarni tashkil etadi. 2026 yilda bu miqdor 3,3 million dollarga etadi. Kosmetika sanoatida, 2016 yilda aloydan o`tgan yilga qaraganda 6 foiz ko`p, ya`ni 45 foiz ortiq foydalanish ko`zda tutilgan. Aloy o`simligi va ekstratidan asosan tabiiy organik kosmetikada foydalaniladi.  

Aloydan bundan tashqari, tibbiyotda turli jarohatlarni, infeksiyalarni, artrit va revmatizm kasalligini davolashda ham foydalaniladi. Aloy bargi etida S va E vitaminlari, antioksidantlar mavjud.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!