Rossiyada Kirov viloyat gubernatori restoranda 400 ming evro pora olayotganda qo`lga tushdi

11:04, 25 iyun

Rossiyada Kirov viloyati gubernatori Nikita Belixga nisbatan RF JKning 290-moddasi 6-bandi (“Katta miqdorda pora olish”)ga asosan jinoyat ishi qo`zg`atildi, deb xabar berdi “Lenta.ru” nashri. 

Gubernator ashyoviy dalil bilan FXX xodimlari tomonidan qo`lga olingan. Taxminlarga ko`ra, Nikita Belix “Novovyatka chang`i kombinati”, “O`rmon xo`jaligini boshqarish” kompaniyalarining tadbirkorlik manfaatlarini himoya qilishi uchun vositachi orqali 400 ming evro pora olgan.

Kirov gubernatoriga 8 dan 15 yilgacha ozodlikdan mahrum etish jazosi tayinlanishi kutilmoqda.

Nikita Belix 2009 yilning yanvar oyidan beri Kirov viloyati gubernatori lavozimida xizmat qilib kelgan. Bungacha Perm viloyat gubernatori va “O`ng kuchlar ittifoqi” siyosiy federal kengashiga rahbarlik qilgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!