Amerikalik ayol mashinasida urib yuborgan jasad bilan harakatlanishda davom etdi

10:11, 29 iyun

AQShning Kaliforniya shtatida yashovchi ayol mast holda avtomashina boshqarib, uysiz, daydi erkakni urib ketdi, deb xabar berdi “Lenta.ru” nashri.

Jasad avtomobilning old oynasidan ichkariga kirib qolgan bo`lsa-da, sarxush ayol mashinani to`xtatmay, harakatlanishda davom etgan. U shu ahvolda 1,6 kilometr yo`l bosgan. 29 yoshli jinoyatchi ayol Steysi Sanches dushanba kuni Oushensayd shahri chekkasida joylashgan uyida qo`lga olingan.

Polisiyaning ma`lumot berishicha, ayol piyodalar yo`lakchasidagi yo`lovchini urib yuborgan. Zarba shu qadar kuchli bo`lganki, jabrlanuvchi old oynani teshib o`tib, oldingi o`rindiqqa, oyog`i uzilib tushgan.

Qo`shnilarning aytishicha, ayol uyiga etib borgach, jasad osilib turgan mashinadan baqirgancha yugurib tushib, uyiga kirgan. Yo`lda uchrab, hol-ahvol so`ragan o`smir yigitning savoliga “hammasi joyida” deb javob bergan. Voqea joyiga etib kelgan shifokorlar erkakning o`limini qayd etishgan.

Hushi o`ziga kelgan Sanches polisiyachilarga o`sha kuni kechqurun bir necha barga kirib, spirtli ichimlik ichganini, keyin uyga qaytayotganda odam urib ketganini ma`lum qilgan. Ayol qamoqqa olinib, unga nisbatan jinoyat ishi qo`zg`atilgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!