Hindiston mehmonxonalaridan birida kelin-kuyovning xonasiga qoplon bostirib kirdi. Video

11:57, 02 avgust

Hindistonning Uttarakxand shtatida joylashgan Naynital shahridagi mehmonxonalardan birida yarim kechasi kelin-kuyov yotgan xonaning derazasini yovvoyi qoplon sindirib, ichkariga bostirib kirdi, deb xabar berdi “Vesti.ru” nashri.

Fojia bilan yakun topishi mumkin bo`lgan hodisa, kelin-kuyovning qo`rqib ketganini hisobga olmaganda, yaxshilik bilan tugagan. 

Oynani sindirib, chaqmoq misol bostirib kirgan qoplon o`zini vannaxonaga urgan. Sumit Ratxore va uning rafiqasi darrov vannaxona eshigini berkitib, polisiyaning kelishini kutgan. Etib kelgan polisiyachilar qoplon itlarning vovullashidan cho`chib ketib, mehmonxona derazasini sindirib kirganini aniqlagan.

Yirtqich jangsiz taslim bo`lishga ham ko`nmagan. Polisiyachilar qoplonni uxlatib, katakka solib, olib chiqmoqchi bo`lishgan, ammo u qochib, o`rmonga yashirinishga muvaffaq bo`lgan.

Ijtimoiy tarmoqqa voqea joyida suratga olingan qoplonning rasmi va video lavhalar joylashtirilgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!