Londondagi Madam Tyusso muzeyidan Devid Kemeronning haykali olib tashlandi

15:39, 05 avgust 2016

Londondagi mashhur Madam Tyusso muzeyidan mamlakatning sobiq bosh vaziri Devid Kemeronning mumdan yasalgan haykali olib tashlandi, deb xabar bermoqda “Lenta.ru”.

Sobiq bosh vazir mamlakatda o`tkazilgan referendumda Brexit tarafdorlari g`alaba qozonganidan so`ng iste`foga chiqqan edi. Devid Kemeronning muzeydagi haykali ayni paytda omborxonada saqlanmoqda. 

Ma`lumotlarga ko`ra, so`nggi paytlarda referendum natijalaridan norozi britaniyaliklar Kemeronning haykali bilan turli nojo`ya xatti-harakatlar qilib, suratga tushgan hamda ularni ijtimoiy tarmoqlarga joylashtirgan. Bunday nojo`ya qiliqlarni muzeyga tashrif buyuruvchilar Kemeronning yonida turgan Londonning sobiq meri Boris Jonsonga nisbatan ham tatbiq etgan.   

Ammo Jonsonning haykali hamon muzeyning ko`rgazmalar zalida turibdi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!