Rio–2016. Olimpiada o`yinlaridagi basseyn yashil tusga kirdi

10:51, 10 avgust

Rio-de-Janeyro shahrida Olimpiada o`yinlarida foydalanilayotgan basseynlardan biri yashil tusga kirdi. Bu haqda SNN xabar bermoqda.

Bir kun avval sakrash uchun mo`ljallangan suv havzasi odatiy – och-ko`k rangda bo`lgan. Ammo musobaqalar davomida suv rangi yashilga o`zgardi.

Musobaqa tashkilotchilarining aytishicha, basseynga tushib qolgan suv o`tlari suv rangining o`zgarishiga ta`sir qilgan. Mutaxassislar suvni tekshirib, sportchilarga hech qanday xavf solmasligini ma`lum qildi.

Dastlabki ma`lumotlarga ko`ra, shamol yo`qligi va issiq havo tufayli suv rangi o`zgargan.

Qayd etish kerakki, yashil tusga kirgan basseyn oldidagi boshqa suv havzasining rangi o`zgarmay qolgan. Mazkur ish yuzasidan surishtiruv ishlari olib borilmoqda.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!