Barak Obamaning to`ng`ich qizi giyohvand modda qabul qilayotganda qo`lga tushdi

17:23, 11 avgust

AQSh prezidenti Barak Obamaning to`ng`ich qizi Maliya nasha chekayotganda qo`lga olindi, deb xabar berdi “Lenta.ru” nashri Radar Online nashriga tayanib.

Nashr AQSh prezidentining qizi 18 yoshli Maliya Obamaning nasha chekayotgani aks etgan videoni ijtimoiy tarmoqqa joylagan. Bu voqea Maliya do`stlari bilan 10 avgust kuni Chikagoda o`tkazilayotgan Lollapalooza musiqa festivaliga borganda ro`y bergan. 

New York Post gazetasi ham bu xabarni chop etib, yaqinda Illinoys shtatining yirik shaharlaridan biri bo`lmish Chikagoda 10 grammgacha bo`lgan nashani saqlashga ruxsat berilgani, bunday holat uchun jinoiy javobgarlikka tortilmasligiga e`tibor qaratgan.

AQSh prezidentining qizi Maliyaning bu xatti-harakati ijtimoiy tarmoqlarda qizg`in muhokamaga sabab bo`ldi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!