Shanxaylik ayol dengiz sayohatiga chiqqan kemadan tushib ketib, 38 soat ochiq dengizda suzdi

10:19, 16 avgust

Shanxaylik ayol dengiz sayohatiga chiqqan kemadan tushib ketib, 38 soat davomida ochiq dengizda qolib ketgan, deb xabar berdi “Lenta.ru” nashri. 

Familiyasi Fan bo`lgan ayol etti qavatli uy bilan teng bo`lgan kemaning to`rtinchi palubasidan dengizga tushib ketgan. U har qancha yordam so`rab qichqirmasin, uni hech kim eshitmagan. Ayol ilinish uchun biror narsa topolmay, ikki kun davomida dengizda suzgan. Uni baliqchilar qayig`idagi odamlar ko`rib, qutqargan. Nashrning ma`lumot berishicha, 32 yoshli ayol katta kemalarning tagida qolib ketmaslik uchun suzish jarayonida uyqusi kelsa ham mudrab, uxlamagan.  

Fan mutlaqo zarar ko`rmagan, faqatgina qo`liga meduzalar yopishgani uchun qavariqlar hosil bo`lgan. Ayolning tirik qolishiga uning besh yoshidan boshlab, suzish bilan shug`ullangani va chidamliligi sabab bo`lgan. Qirg`oq qo`riqchilari bunday balandlikdan zarb bilan suvga qulagan odamning tirik qolishi kamdan-kam uchraydigan hodisa ekanligini bildirgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!