O`zbekistonning ayrim hududlarida yomg`ir yog`ishi kutilmoqda

12:48, 16 avgust

O`zbekistonning markaziy va shimoli-sharqiy hududlarida qisqa muddatli yomg`ir yog`ishi, momaqaldiroq bo`lishi mumkin. Bu haqda Respublika Gidrometeorologiya markazi xabar bermoqda. 

16−18 avgust kunlari Toshkentda, tog`li va tog` oldi hududlarida, shuningdek, Toshkent, Andijon, Namangan va Farg`ona viloyatlarining ayrim tumanlarida qisqa muddatli yomg`ir yog`ishi mumkin.

Yaqin kunlarda Samarqand, Jizzax va Sirdaryo viloyatlarining bir qator tumanlarida ham yog`ingarchiliklar ehtimoli bor.

Toshkentda 16−17 avgust kunlari kunduzgi havo harorati +33…+35 darajaga chiqadi, Farg`ona vodiysida 20 avgustga qadar +31…+36 daraja bo`ladi. Mamlakatning boshqa hududlarida kunduzgi harorat eng yuqori +33…+38 darajaga qadar ko`tariladi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!