AQShda to`rt yoshli qizchani puma olib qochdi

15:43, 16 avgust

AQShning Aydaxo shtatida Kelsi ismli qizaloq puma (Amerika yovvoyi mushugi) changalidan qutqarildi, deb xabar berdi “Lenta.ru” nashri. 

Voqea 12 avgust kuni kechasi Reksberg shahriga olib boruvchi yo`l yoqasidagi o`rmonda ro`y bergan. 

Qizcha onasi va qarindoshlari bilan chodir tikilgan lagerda bo`lgan. Oyoq kiyimini izlab chodirdan chiqqan qizchani puma tutib olib, o`rmonga sudragan. Kelsining qichqirig`ini eshitib, yugurib chiqqan kattalar pumani quvishga tushgan. Shundan keyin yirtqich qizchani tashlab, qochib ketgan. Mudhish voqeaning guvohi bo`lgan Kelsining buvisi pumaning og`irligi 40 kilogrammcha kelishini, nevarasi esa bor-yo`g`i 16 kilogramm vaznga egaligini bildirgan. 

Nashrning ma`lum qilishicha, hozirda tanasining ba`zi joylari tirnalganiga qaramay, qizcha o`zini yaxshi his qilmoqda.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!