Poezdga kech qolayotgan qiz avtobus oynasini urib sindirdi

15:07, 25 avgust

24 avgust kuni Sankt-Peterburg shahrida yashovchi, avtobusda ketayotgan noma`lum qiz tezyurar “Sapsan” poezdiga kech qolmaslik maqsadida avtobusning old eshigi oynasini urib sindirdi, deb xabar berdi “Tjournal.ru” nashri. 

Guvohlarning ma`lumot berishicha, voqea Neva prospektidagi № 77-uy ro`parasida yuz bergan. Moskvaga qatnovchi tezyurar poezdga ulgurish maqsadida noma`lum qiz “Liaz” avtobusining old eshigi oynasini urib sindirgan. Polisiya bir zumda etib kelganiga qaramay, “bezori” qiz voqea joyidan yashirinishga ulgurgan.

“VKontakte” ijtimoiy tarmog`i foydalanuvchilari bo`lib o`tgan voqeani qizg`in muhokama qildi. Ko`pchilik yo`ldagi tirbandlik natijasida haydovchilarning yo`lovchilar iltimos qilgan joyda to`xtamasliklarini misol qilib, qizning yonini olib, izoh qoldirgan. Hattoki qonunbuzar qizni maqtaydiganlar ham topilgan.

Peterburgliklar polisiya aybdor qizni topib, javobgarlikka tortishiga ishonch bildirgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!