BAAda haydovchi taksida qoldirilgan 500 ming dollarni egasiga qaytarib berdi

14:30, 26 sentabr

Birlashgan Arab Amirliklarida taksi haydovchisi avtomobilda qoldirib ketilgan 1,7 million dirham(500 ming dollar) pulni egasiga qaytarib berdi, deb xabar bermoqda “RIA Novosti”. 

Asli pokistonlik bo`lgan haydovchi koreyalik tadbirkorni Sharja aeroportidan Dubay shahriga eltib qo`ydi va  taksida qolib ketgan portfelni ko`rib qoldi. Haydovchi shu zahotiyoq polisiyaga murojaat qildi va huquq-tartibot organlari xodimlari portfel egasini topishga muvaffaq bo`ldi. 

30 yoshli taksi haydovchisi o`zining bu xatti-harakati uchun Sharja transport va yo`llar boshqarmasining faxriy yorlig`i va 3 ming dirham(820 dollar)bilan taqdirlandi.  

Nashrning ma`lum qilishicha, o`tgan yili mana shu haydovchi taksida qoldirib ketilgan va ichida 13 ming dollar bo`lgan portfelni egasiga qaytarib bergan edi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!