Toshkent davlat texnika universiteti huzurida O`zbekiston-Yaponiya yoshlar innovasiya markazi tashkil etiladi

15:12, 26 sentabr

Abu Rayhon Beruniy nomidagi Toshkent davlat texnika universiteti huzurida O`zbekiston-Yaponiya yoshlar innovasiya markazi tashkil etiladi. Bu haqda “Gazeta.uz” xabar bermoqda. 

Hujjatda ta`kidlanishicha, markazni tashkil etishdan maqsad respublika yosh olimlari va talabalari jahon amaliyoti va xalqaro andozalarga muvofiq ilmiy tadqiqotlar olib borishning, zamonaviy, ilg`or usul va texnologiyalarini egallashlari uchun qulay shart-sharoitlar yaratish, respublika iqtisodiyotining bazaviy tarmoqlari uchun Yaponiya ilmiy va ta`lim muassasalarining olimlari hamda etakchi mutaxassislari ishtirokida yuqori malakali mutaxassislarni sifatli tayyorlashdan iborat.

2015 yilning 25 oktyabrida O`zbekiston Respublikasi Hukumati bilan Yaponiya Hukumati o`rtasida Abu Rayhon Beruniy nomidagi Toshkent davlat texnika universiteti huzurida O`zbekiston-Yaponiya yoshlar innovasion markazini tashkil etish bo`yicha hamkorlik qilish to`g`risidagi Memorandum imzolangan edi.

Yaponiya tomonidan Sukuba, Nagoya, Keyo universitetlari, Toyoxashi Texnologiya universiteti va Tokio texnologiya instituti markazning hamkorlari hisoblanadi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!