OAV: Dunyoda har 7 soniyada 15 yoshdan kichik qiz turmushga chiqadi

10:42, 12 oktabr

Dunyoda har 7 soniyada 15 yoshdan kichik bo`lgan qizlar o`zlaridan ancha yosh katta bo`lgan erkaklarga turmushga chiqishga majbur bo`ladi, deb yozadi “Interfaks” Save the Children xalqaro bolalar huquqlarini himoya qilish tashkiloti hisobotiga asoslanib. 

Hisobotga ko`ra, erta turmush qurish qizlarni nafaqat bilim olish imkoniyatidan mahrum etadi, balki ularning tug`ruq paytida vafot etishiga ham sabab bo`ladi.  

"Bolalar nikohi ularni eng asosiy huquqlardan, xususan bilim olish huquqidan mahrum etadi”,—deydi tashkilot direktori Xelle Torning-Shmidt. 

Mazkur hisobot 11 oktyabr—Xalqaro qizlar kuni munosabati bilan e`lon qilindi. 

Mazkur kunni bayram sifatida nishonlash tashabbusini BMT bergan edi. Bundan ko`zlangan maqsad esa butun dunyodagi kichik yoshdagi qizlar to`qnash keladigan muammolarga xalqaro hamjamiyat e`tiborini qaratish.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!