Ronalduga 90 daqiqa maydonda to`p surish tavsiya etilmadi

16:35, 13 oktabr

"Real" hujumchisi Krishtianu Ronalduning zaxiraga olinishi borasidagi bahs-munozaralar ham davom etmoqda. Bu holatda ko`pchilik portugaliyalik futbolchini o`z kuchiga ortiqcha baho bermaslikka chaqirib va Zinedin Zidan to`g`ri yo`l tutayotganini e`tirof etishmoqda.

Xususan "Real"ning sobiq futbolchisi Migel Palensiya Krishtianu Ronaldu 90 daqiqa maydonda bo`lishi shart emas, degan fikrni ilgari surmoqda. Agar Krishtianu hozir kamroq o`ynasa, mavsum oxirida jamoasiga katta foyda keltirar ekan.

- Ronaldu har bir uchrashuvda muhim ahamiyat kasb etadi, - deydi Migel Palensiya. - U mavsum davomida ma`lum muddat dam olishi kerak. Shundagina chempionat yakunida "Real" uchun o`ta foydali futbolchiga aylanadi. Zidan to`g`ri qilyapti.

Doimo asosiy tarkibda maydonga tushib, to`liq uchrashuv o`tkazishga ko`nikkan Ronalduni bu mavsumda Zidan bir necha marotaba zaxiraga oldi. Bu esa Krishtianuga umuman yoqmayapti.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!