Obama davlat rahbari sifatida Oq uyda so`nggi rasmiy qabulini o`takazdi

12:23, 19 oktabr

AQSh prezidenti Barak Obama va uning turmush o`rtog`i Mishel Obama Oq uyda Italiya bosh vaziri Matteo Rensini qabul qildi, deya xabar beradi The Associated Press agentligi.

Bu Obamaning Oq uyda davlat rahbari sifatida o`tkazayotgan so`nggi rasmiy qabuli. AQSh prezidenti buni bir paytning o`zida ham quvonchli, ham qayg`uli onlar deb aytdi.

“Biz eng yaxshisini ohiriga qoldirdik”, - deydi Obama.

Italiyalik vazir ushbu tashrif yana bir bor AQSh va Italiya o`rtasidagi mustahkam do`stlikni ko`rsatish imkonini berganini ta`kidladi.

Agentlik ma`lumotlariga ko`ra, Oq uyda Obama va Rensi uchun mashhur oshpaz Mario Batali rahbarligida tantanali dasturxon solindi. Tushlik amerikalik qo`shiqchi Gven Stefanining chiqishi bilan yakunlandi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!