Turkiyalik yigit sevgan qizi bilan uchrashish uchun go`zallik saloniga paranji yopinib kirdi

15:46, 19 oktabr

Turkiyaning Adana shahridagi go`zallik saloni xodimlari paranji yopinib kirgan mijozlardan biri erkak kishi ekanligini payqadi, deb yozadi “Vesti”. 

Qo`rqib ketgan ayollar paranji yopingan erkakni terrorchi deb o`yladi va polisiya chaqirdi. 

Turkiyadagi notinch vaziyat tufayli huquq-tartibot organlari xodimlari tezda hodisa joyiga etib keldi. Biroq, shubhali shaxs ular kelguniga qadar ketib bo`lgan edi.    

Maxsus xizmat xodimlari kuzatuv kameralari yordamida aniqlashicha, go`zallik salonining shubhali mijozi kichik yuk mashinasida kelgan va unda ortga qaytgan. Ular paranji yopingan erkakni topish uchun butun boshli operasiya o`tkazdi. 

Natijada salonga paranji yopinib kirgan shaxs 22 yoshli mahalliy aholi vakili ekanligini aniqlandi. 

Tergovda aniqlanishicha, u musulmon urf-odatlariga ko`ra sevgan qizi bilan unashtirilgan. Biroq qizning otasi rasmiy nikoh va to`ygacha ularning uchrashishiga qarshilik bildirgan. 

Kuyov go`zallik saloniga paranji yopinib kirishidan yagona maqsadi u erda ishlaydigan sevgan qizi bilan uchrashish ekanligini ma`lum qilgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!