181 ta davlatda bo`lgan amerikalik qiz er yuzidagi barcha davlatlarni kezib chiqmoqchi(Foto)

17:38, 11 noyabr

AQShning Konnektikuta shtatida yashovchi 27 yoshli Kassandra De Pekol (Cassandra De Pecol) 2015 yilning iyul oyidan boshlab, dunyoning 181 ta mamlakatini kezib chiqdi. U 40 kun mobaynida yana 15 ta mamlakatni  kezib chiqmoqchi. Kassandra o`zining bu harakati bilan eng ko`p mustaqil davlatlarda bo`lgan sayohatchi bo`lib, dunyo rekordini yangilamoqchi, deb yozadi “Tjournal”.

Agar Kassandraning bu orzusi amalga oshsa, u er yuzidagi barcha davlatlarni kezib chiqqan birinchi ayol bo`ladi. 

Amerikalik  ayol IIPT (International Institute for Peace Through Tourism) vakili va tinchlik elchisi sifatida sayohat qiladi. 

Kassandra o`zi borgan har bir mamlakatda turizm va iqtisodning o`zaro aloqalari haqida ma`ruzalar o`qiydi. Shuningdek, u atrof-muhit muammolari va eko-mehmonxonalar haqida ham so`zlaydi. 

Kassandraning so`zlariga ko`ra, u o`z misolida butun dunyodagi ayollar, jumladan ayollarni ilhomlantirishni orzu qiladi. 

Amerikalik bu qiz o`z marshruti haqida ijtimoiy tarmoqlardagi sahifalarda, xususan Instagram`da 50 mingdan ortiq kuzatuvchilariga so`zlab beradi.





















Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!