Abror Baxtiyorovich Comedy.uz tarqalganligi to`g`risidagi savolga javob berdi

15:14, 14 noyabr

Zarafshon konsert zalida Comedy.uz jamoasining rahbari Abror Baxtiyorovichning kulgu kechasi bo`lib o`tdi. 

Kechaga Comedy.uz rezidenti Mirshakar Fayzullaev boshlovchilik qildi. 

Abror Baxtiyorovich tomonidan tadbir davomida amalga oshirilgan harakatlar va hazillarning barchasi tashrif buyurganlarning qalbiga etib bordi va davomli qarsaklarga sabab bo`ldi.

Baxtiyorovichning kulgu kechasiga Abdulla Qurbonov, “Tumor” raqs ansambli, raqqosa Shodiyora Omonova, xonanda Vohid Abdulhakim, Comedy.uz rezidentlari Sirojiddin, Olim aka, qiziqchi Zokir Ochildievlar qatnashishdi.

Konsertga shuningdek, O`zbekiston va Qoraqalpog`iston xalq artisti G`ulomjon Yoqubov tashrif buyurdi. Abror Baxtiyorovich onasi uchun qo`shiq kuylash maqsadida yosh xonanda Shohzamonni ham taklif qildi. Qo`shiq tugagacha Baxtiyorovich Shohzamondan keyingi konsertiga buvijonisi uchun ham qo`shiq tayyorlab berishini so`radi.

Abror Baxtiyorovich konsertini tashrif buyurganlar bilan hamohang ishtiroki bilan o`ziga xos tarzda taqdim etishga harakat qildi va buning uddasidan a`lo darajada chiqdi. Uch soat davom etgan konsertdan Abror Baxtiyorovich muxlislarini bir nafasda olib chiqib keta oldi. 

Darvoqe, Baxtiyorovich muxlislarning Comedy.uz tarqalganligi to`g`risidagi savollariga javob berar ekan, rezidentlarning barchasi uylanib, xotini tomonga og`ib ketgani, uning o`zi ham shunday qilish niyatda bo`lgani, biroq xotini tomoni uni qabul qilishmaganligini aytib, o`ziga xos hazilni ham qildi. Rezidentlarning ayrimlari Baxtiyorovichning konsertida ishtirok etganiga qaraganda, bu Abrorning navbatdagi hazili edi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!