O`zbekistonlik Maradona “Buxoro”ga qarshi shiddatli bahsda g`alaba qozonish oson bo`lmaganini aytdi

09:16, 18 noyabr

Oliy Liganing 29-turida “Mash`al” jamoasi o`z uyida “Buxoro”ni 2:0 hisobida mag`lub etdi. O`yindan so`ng muborakliklar vakili Maradona Safarov o`yin haqidagi fikrlarini bildirib o`tdi.

– Bugun juda chiroyli g`alabani qo`lga kiritdik, ammo shunday shiddatli va murosasiz bahsda g`alaba qozonish oson bo`lmadi. Bugungi g`alaba so`zsiz muboraklik muxlislarimizniki. Ular bizni barcha bahslarda qo`llab-quvvatlab turishdi, shunday ekan bu g`alabamiz egasi ulardir.

Istardimki jamoamiz va muxlislarimiz yuzidagi bugungidek quvonch hech qachon tark etmasin. Qo`limni ko`ksimga qo`yib muboraklik muxlislarimizga ta`zim qilib qolaman, dedi - “Mash`al” jamoasi hujumchisi Maradona Safarov.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!