Tuzlangan qovoq - ishtahaochar egulik

14:03, 21 noyabr

Zarur masalliqlar: o`rtacha kattalikdagi qovoq, 2 litr suv, 150 gr. shakar, 10 bo`lak sarimsoq piyoz, 10 ta yulduzcha (gvozdika), 5 ta lavr bargi, 4 dona murch, 2,5 osh qoshiq sirka, 1 osh qoshiq tuz.

Tayyorlanishi: 1. Qovoqni po`sti va urug`idan tozalab, kichkina to`rtburchak shaklda to`g`rang. Chuqurroq idishga solib, 2 litr suv quying-da, 4 daqiqa qaynating. 1 choy qoshiq sirka qo`shing. Keyin qovoq bo`laklarini olib, suvini yaxshilab silqiting.

2. Tuz, shakar, yulduzcha, lavr bargi va murch donalarini suvga solib, qaynating. 1 osh qoshiq sirka qo`shib, olovni o`chiring. Sarimsoq piyoz bo`laklarini qovoq bo`laklari orasiga soling. Ustidan marinadlash uchun tayyorlangan suvni quyib, qopqog`ini yoping. 24 soat sovuq joyda qo`ying.

Tayyorlanish vaqti: 30 daqiqa.

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!