Shokoladdan tuhfa - mazasiga gap yo`q!

15:37, 24 noyabr

Zarur masalliqlar (4 kishilik): 125 gr. shakar, 100 grammdan shokolad va sariyog`, 75 grammdan un va bodom, 2 dona tuxum, yarim choy qoshiq yumshatgich (razrxlitel), tuz.

Tayyorlanishi: 1. Bodomni maydalab, quruq tovada qovurib oling. Shokoladni ham maydalab, suv bug`ida eriting.

2. Yumshatilgan sariyog`ni shakar bilan ko`pirtirib, shokoladga qo`shing. Tuxumni ham ko`pirtirib, shokoladli aralashmaga soling. Un va maydalangan yong`oqni ham solib, yaxshilab aralashtiring.

3. To`rtburchak qolipga qog`oz yoyib, ustidan shokoladli aralashmani soling. 180 darajada qizdirilgan gaz pechida 25-30 daqiqada pishadi. Dasturxonga bo`laklarga bo`lib torting. 

Tayyorlanish vaqti: 1 soat.

 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!