Britaniyada tarixiy oltin taqinchoq topildi

13:36, 02 dekabr

Buyuk Britaniyaning Kembridjshir grafligida metallqidiruvchi uskuna yordamida, mamlakat tarixida eng katta topilma bo`lgan – ajoyib, oltin taqinchoq topildi, deb xabar berdi “Rrikolno.cc” nashri. 

Oltin taqinchoq bir necha asrlar ilgari belga bog`lanadigan kamar vazifasini o`tagan. U bundan 3000 yil ilgari sof oltindan tayyorlangan va og`irligi 700 grammni tashkil etadi. Britaniya tarixchilarining fikricha, bu so`nggi yuz yil ichida Angliya va Uels hududidan topilgan eng qimmatbaho topilmadir. 

Topilmani topgan odam va uning topilgan joyi hozircha sir tutilmoqda. Olimlar zargarlik buyumining aniqlik bilan ishlanganiga, zanjirlar orasidagi masofaning bir tekisligiga lol qolishdi. Hozircha uning bahosi aniqlanmagan. 

Bundan uch yil ilgari Shimoliy Irlandiyadan topilgan kichkina zargarlik buyumining bahosi 150.000 funt, deb baholangan edi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!