Germaniya va Turkiya NATOdan qochoqlar bilan bog`liq inqirozni engishda yordam so`radi

09:57, 09 fevral 2016

Turkiya rahbari bilan Germaniya kansleri Angela Merkel suriyalik qochoqlar soni tobora ortib borayotganini muhokama qildi.

Angela Merkel dushanba kuni Anqarada Turkiya prezidenti Rajap Toyip va mamlakat Bosh vaziri Ahmad Dovud o`g`lilar bilan uchrashdi. Aleppo viloyati shimolida bo`layotgan janglar shiddatli tus olgani tufayli bu masalani hal etish dolzarb muammoga aylandi. Bryussel va gumanitar tashkilotlar Turkiya hukumatidan chegarada nazoratni kuchaytirgan holda Suriyadan oqib kelayotgan o`n minglab qochoqlarni qabul qilishni talab qilmoqda.

Ahmad Dovudo`g`li Aleppo aholisi ustidan javobgarlikni yana Suriya armiyasiga havo orqali yordam berayotgan Rossiyaning bo`yniga qo`ydi. Qochoqlarning noqonuniy ravishda mamlakat hududiga kirib kelishini to`xtatish maqsadida NATOdan yordam so`rash lozimligini aytib o`tdi:

“Turkiya va Germaniya mamlakatlari rasman NATO ga murojaat qilib, suriyalik qochoqlar oqimini to`xtatish maslasini kun tartibiga qo`yishni so`raydi. Biz ittifoqning Egey dengizi akvatoriyasi va chegara kuzatuv monitoring mexanizmidan qisman foydalanishini talab qilamiz”, – deya ma`lum qildi Ahmad Dovudo`g`li.

Angela Merkel Turkiya hukumatining noqonuniy muhojirlar oqimini to`xtatishga qaratilgan kurashda samarali natijalarga erishishida Germaniya hukumati doimo yordam qo`lini cho`zishga tayyorligini bildirdi:

“Noqonuniy ravishda kirib kelayotgan qochoqlar oqimini to`xtatish nafaqat Turkiyaga balki barchamizga tegishli og`riqli masaladir. Ammo Suriyadan kelayotgan, rasman qochoqlik maqomiga ega bo`lgan muhojirlarni qabul qilishga tayyor bo`lishimiz lozim. Ularni qabul qilishda huquqiy baza tashkil etilib, Evropa ittifoqiga a`zo bo`lgan mamlakatlarga adolatli ravishda taqsimlamoq zarur ”, dedi Germaniya kansleri.

U qochoqlar oqimini to`xtatish maqsadida Anqaraga 3 milliard evro miqdorida mablag` ajratishga va`da berdi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!