Joze Mourino Manchesterda o`ziga uy topib qo`ydi

20:28, 23 fevral 2016

“Chelsi” klubi sobiq bosh murabbiyi Joze Mourino katta ehtimol bilan mavsum yakunida “Manchester Yunayted” jamoasi ustoziga aylanadi.

Shu sababdan, 53 yoshli tajribali mutaxassis Manchester shahrida o`ziga uy topib qo`ydi va yaqin orada u erga ko`chib o`tadi. Portugaliyalik murabbiy “qizil iblislar” bosh murabbiyi Lui van Gal o`rnini egallashi kutilmoqda.

So`nggi paytlarda “Manchester Yunayted” muxlislari va jamoa rahbariyati gollandiyalik murabbiyning olib borayotgan ishidan norozilik bildirgan.

Shuning uchun, uni ishdan bo`shatishmoqchi.

Ma`lumot o`rnida, Lui van Gal boshqaruvidagi “MYu” Angliya chempionati 26-turidan so`ng 41 ochko to`plagan holda turnir jadvalining 5-pog`onasini egallab turibdi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!