Mart oyida Toshkentda 300 ming tupdan ko`proq daraxt ekiladi

06:11, 10 mart 2016

O`zbekistonda obodonlashtirish oyligi start oldi.

O`zbekiston Respublikasi Vazirlar Mahkamasining 2016 yil 4 martdagi farmoyishiga muvofiq, mamlakatimizda obodonlashtirish va ko`kalamzorlashtirish oyligi boshlandi. 

Oylik doirasida poytaxtimizning Abdulla Qodiriy nomidagi madaniyat va istirohat bog`ida ekologik aksiya o`tkazildi. 

O`zbekiston Tabiatni muhofaza qilish davlat qo`mitasi tashabbusi bilan tashkil etilgan tadbirda qo`mita xodimlari, san`atkorlar, yoshlar, keng jamoatchilik vakillari ishtirok etdi. Aksiya doirasida boqqa mevali va manzaralari daraxt ko`chatlari ekildi. 

Toshkent shahar tabiatni muhofaza qilish qo`mitasidan ma`lum qilishlaricha, poytaxtimiz mahallalari, xiyobonlari, ko`chalar va ko`p qavatli uylar atrofiga mart oyida uch yuz ming tupdan ko`proq daraxt, buta va gul ko`chatlari ekish rejalashtirilgan. 

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!