2025 yilga kelib er yuzi aholisining 20 foizi ortiqcha vazndan aziyat chekadi

15:30, 01 aprel

Er yuzi aholisining 20 foizi 2025 yilga kelib, ortiqcha vazndan aziyat chekadi. Bu haqda “Lenta.ru” xabar bermoqda.

Olimlar siyosatchilarni semirish epidemiyasi rivojlanishining oldini olish uchun tegishli chora-tadbirlarni ishlab chiqishga chaqirdi. Shifokorlarning tadqiqotlari The Lancet jurnalida e`lon qilindi.

Olimlarning aniqlashicha, 1975 yildan boshlab har 10 yilda insonning o`rtacha tana massasi 1,5 kilogramga ortib bormoqda. Agarda bu tendensiya shu tariqa davom etgudek bo`lsa, 2025 yilga kelib er yuzidagi erkaklarning 18 foizi, ayollarning 21 foizi ortiqcha vazndan aziyat chekadi. Ularning 6 va 9 foizi esa semizlikning o`ta og`ir turiga chalinishadi.

Ortiqcha vazndan aziyat chekuvchilarning eng yirik qismi Xitoyda istiqomat qiladi. Xususan, bu mamlakatda 43,2 million nafar erkak va 46,4 million nafar ayollar ortiqacha vazn bilan ro`yxatga olingan. Shuningdek, Irlandiya, Kipr va Maltada ham “do`mboqlar” talaygina. Ortiqcha vazndan nisbatan kam aziyat chekadigan mamlakatlar esa—Markaziy va Sharqiy Afrika hamda Janubiy Osiyo mamlakatlari.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!