Samarqandda tungi bosqinchilik fosh etildi

14:16, 02 aprel

Samarqand viloyatining Samarqand tumanida noma`lum shaxs o`zganing mulkini talon-taroj qilish maqsadida bir fuqaroning uyiga bostirib kirgan. 

U jabrlanuvchini zo`rlik ishlatish bilan qo`rqitib, pul talab qilganida, ko`rsatilgan faol qarshilik natijasida hech narsa olmay o`z urinishlari behuda ekanini his etib voqea joyidan yashiringan, deya xabar beradi O`zbekiston Respublikasi IIV Matbuot xizmati.

Jinoyat joyiga etib kelgan ichki ishlar xodimlari jabrlanuvchi hamda uning qo`ni-qo`shnilaridan surishtirib, voqea joyini ko`zdan kechirib, jinoyatni sodir etishda gumonlanuvchilarning alohida belgilarini o`rganib chiqdilar.

Olib borilgan tezkor-qidiruv va surishtiruv harakatlari natijasida mazkur jinoyatni sodir etgan gumonlanuvchining shaxsi aniqlandi va u "issiq izida" qo`lga olindi.

Mazkur bosqinchilik bo`yicha jinoyat ishi qo`zg`atilib, tergov harakatlari olib borilmoqda.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!