O`zbekiston armiyasi dunyoning eng kuchlilari ro`yxatida yuqoriladi

17:42, 04 aprel

Dunyoning eng kuchli qurolli kuchlari ro`yxatida O`zbekiston 48-o`ringa ko`tarildi. 

Milliy armiyamiz avvalroq mazkur ro`yhatning 54-o`rnida edi. Bu haqda UzDaily.uz nashri globalfirepower.com saytiga tayanib xabar beradi.

Ro`yhatga dunyoning 126 mamlakati kirgan. O`zbekiston mazkur ro`yhatda Markaziy Osiyo mamlakatlari orasida birinchi o`rinni egalladi. Qozog`iston ro`yhatda 53-o`rinda, Turkmaniston – 86, Qirg`iziston – 110 va Tojikiston – 112.

Ma`lumotlarga ko`ra, O`zbekistonning yillik harbiy byudjeti $70 mln tashkil qiladi.

Reyting tuzishda 50 ta turli omillar, xususan, erda, havoda hamda dengizda jangovor harakatlar olib borish uchun mo`ljallangan harbiy texnikalar soni, shuningdek qurolli kuchlarga sarflanishi mumkin bo`lgan iqtisodiy mablag`lar hisobga olindi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!