Xalqaro shaxmat federasiyasi prezidenti Kirsan Ilyumjinov AQSh hukumatini sudga berdi

11:55, 11 aprel

Xalqaro shaxmat federasiyasi rahbari Kirsan Ilyumjinov AQSh hukumati bilan sudlashib, 50 million dollar undirib olmoqchi.Bu haqda “Vesti” xabar bermoqda.  

Ilyumjinovga nisbatan 2015 yilning 25 noyabr kuni AQSh hukumati tomonidan sanksiya e`lon qilingan edi. AQSh moliya vazirligi press-relizida unga nisbatan sanksiya e`lon qilinishi xalqaro shaxmat federasiyasi rahbarining Suriya hukumati va Suriya markaziy bankiga moddiy yordam berganligi bilan izohlanmoqda.

“O`z sha`nim, rahbarlik qadr-qimmatim himoyasini 50 million dollar deya baholadim. 23 fevral kuni AQSh oliy sudi mening ishimni 5700 raqam bilan ro`yxatdan o`tkazdi va men shu vaqtdan e`tiboran huquqiy-yuridik munosabatlarga kirishdim”,—deydi Ilyumjinov.

Uning so`zlariga ko`ra, sudda Ilyumjinovning manfaatlarini Bill Klintonning Monika Levinskiga aloqador ishida ishtirok etgan advokatlar guruhi himoya qiladi. 

AQSh oliy sudining qarori may oyida chiqishi ko`zda tutilgan.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!