Britaniya tashqi ishlar vazirligi daydi mushukni ishga oldi

17:12, 13 aprel

Britaniyaning sobiq bosh vaziri nomini olgan Palmerston laqabli mushuk diplomatik korpusga bosh sichqon tutuvchi lavozimiga ishga olindi. Ikki yoshli bu mushuk London ko`chalarida daydib yurganda topib olingan, deb xabar berdi “Ria.ru” nashri. 

“Mushuk Qirol Charlz ko`chasida joylashgan binomizda bizga kemiruvchilarga qiron keltirishda yordam beradi”, – deyildi Britaniya tashqi ishlar vazirligi bayonotida.  

Amaldorlarning aytishicha, yangi xodim soliq to`lovchilar uchun tashvish keltirmaydi. Bosh vazir Devid Kemeronning Dauning-stritdagi Larri ismli, moliya kansleri Jorja Osbornaning Freyya ismli sevimli mushuklari uning hamkasblari hisoblanadi.

“Battersi” nomli hayvonlar saqlanadigan muassasa xodimlari uni “o`ziga ishongan va odamlarni yoqtiruvchi” mushuk sifatida tavsiflashdi. 

Mushukni Buyuk Britaniyada 1855 yilda 71 yoshida bosh vazir bo`lgan Palmerstonning xotirasi uchun Palmerston deb atashgan. Bosh vazir bo`lgunga qadar Palmerston 15 yil davomida Britaniya tashqi ishlar vaziri lavozimida xizmat qilgan. U mashhur siyosatchi va yoqimtoy inson sifatida ta`riflanadi.

Диққат, диққат! "Даракчи"нинг Telegram’даги расмий каналига аъзо бўлиб, янгиликлардан баҳраманд бўлинг!