Долзарб мавзулар Халқ билан мулоқот йили

"Санъатга бахшида умр. Яйра Абдуллаева" китобининг тақдимот маросими ўтказилди

Бўлимлар: Жамият
Теглар:
Добавлено: 30.01.2016, 18:56

Алишер Навоий номидаги Ўзбекистон Миллий кутубхонасида Ўзбекистон халқ артисти Яйра Абдуллаева ҳаёти ва ижодига бағишланган "Санъатга бахшида умр. Яйра Абдуллаева" номли китобнинг тақдимоти бўлиб ўтди.Бу ҳақда “Uzreport” нашри хабар бермоқда.

Китоб муаллифи санъатшунос Дилфуза Раҳматуллаеванинг айтишича, Яйра Абдуллаеванинг Туроб Тўла трагедияси асосида яратган Нодирабегим образи ушбу асарнинг дунёга келишига асосий сабаб бўлди. Муаллиф воқеаларни янада аниқ ва китобхонга тушунарли ҳолда етказиш мақсадида ушбу образга қайта-қайта мурожаат қилган. Яйра Абдуллаева ушбу асарнинг юзага келишида бевосита ўзи ҳам иштирок этган.

Маълумки, Ўзбекистон халқ артисти Яйра Абдуллаева “Қутлуғ қон” асаридаги Гулнор, “Бой ила хизматчи”даги Гулбаҳор, қолаверса, Қорасоч, Нодиребегим каби образларни етук ва проффессионал даражада ижро этиб, ўзбек театр санъати тарихида ўзига хос ўрин эгаллаган актрисадир.

Google+
WhatsApp
VK
Telegram

Комментарии

Мутолаа